JOQ Albania
Home

I përmendi të birin në emsion, deputetja shfryn ndaj Zhejit: Ai djali që ju merrni nëpër gojë pa pikën e etikës ka një nënë
Shkruar nga: L Çela | Publikuar më: 15/03/2019 13:13

  • Share
  • Share
  • Share
  • Share

Edlira Hyseni është deputetja më e re e LSI në Kuvendin e Shqipërisë, e cila nuk pranoi të digjte mandatin.

Kjo e fundit nëpërmjet një postimi në rrjetet sociale pak ditë më parë shkruante, se për të hyrë në Kuvend, ishte konsultuar me të birin.

Deklarata e saj është komentuar gjatë në rrjetet sociale, ndërkohë mbrëmjen e djeshme, analisti Artur Zheji ironizoi me të gjatë emisionit.

Ironia e Zhejit nuk është pritur mirë nga deputetja e cila ka reaguar menjëherë. Ajo tha se batutat e Zhejit ishin larg qytetarisë dhe profesionalizmit.

Më tej deputetja shkruan, se do të vazhdojë të konsultohet me djalin e saj, pasi është një student ekselencë dhe fitues i një burse me meritë.

Hyseni vazhdon më tej, duke thënë se këdo që ka notat e tij do ta dëgjonte dhe do ta respektonte.

Postimi i plotë

Eshte perdorur e keqperdorur ne rrjete sociale/media dhe komentuar nga kush pelqen te jetoj me mllefe o urrejtje dhe ndaj dikujt qe nuk njeh e asgje nuk din,, nje konsultim me tim bir per ceshtjen e mandatit te cilen e ndava me te njohurit e mij ne fb. Nuk kisha ndermend te reagoj gjer mbreme kur ky moment u perdor politikisht nga gazetari Zheji ne emisionin e tij, ku pervec batutave aq larg profesionalizmit dhe qytetarise qe ne presim nga mediat serioze, u thane te paverteta qesharake..sikur une paskam votuar pro qeverise, pa mberritur mire ne parlament. Meqe eshte bere ves ne kete shoqeri te paraqiten permbys argumentet dhe une po e nis permbys.. Se dyti.. Ne diten time te pare ne Parlament nuk kam votuar, per arsye se nuk kisha dijeni per asnje ligj e material te rendit dites dhe per kedo qe me njeh mua nga Keshilli Bashkiak Durres, e din shume mire qe nese nuk lexoj dhe krijoj nje opinion te argumentuar mbi cdo projekt kam perpara, nuk kam ngritur kurre kartonin e miratimit, tashme per 4 vjet angazhim ne politiken lokale, ku kam bere nje opozite ne Keshill sa Pd dhe Lsi marre se bashku. Flas per ata qe me njohin dhe jo keta qe hamendesojne .. Se pari..ai djali qe ju merrni neper goje pa piken e etikes, ne anen tjeter te ekranit ka nje nene/ gjysher apo nje zemer qe e ndjek dhe eshte nje student i ekselences, ne nje nga Universitetet me te veshtira e cilesore, sic eshte Politekniku i Torinos, fitues i nje burse per merite, ne Inxhinieri, pra me shume pune e studim, me djersen e tij. Une jam konsultuar dhe do vazhdoj te konsultohem me te, pasi ai dhe brezi i tij, kane nevoje per nje shprese e vizion te bukur e te paster te se ardhmes, qe mund ta bej te kthehet ne atdhe prane nenes se tij mbas shkollimit. Nese dikush do kishte cilesine e notave te tij, do e degjoja dhe respektoja me perulesi, por keqdashjen dhe ligesin gratuite nuk e toleroj as si nene, as si qytetare e vendit tim e as si deputete e re!Per te gjitha keto me siper une ndjej se kam nje motiv me teper per te shkuar ne Kuvend dhe per te luftuar per nje shoqeri me te mire!