Jeta Osh Qef
Home

Kush është Aleksi, tmerri i belgëve dhe i gjobave ndaj bizesmenëve
Nga: G.Hasani | Publikuar më: 12.08.2017, 16:10

  • Share
  • Share
  • Share
  • Share
Aleks Prifti, i cilësuar si tmerri i karburantëve kërcënonte me armë dhe u grabiste shitësve çdo qindarkë që kishin në arkë. Arrestimi disa ditë më parë i 41-vjeçarit ka ngjallur jo pak interes, për shkak se ai është një emër mjaft i njohur për drejtësitë e vendeve europiane.

Burimet policore thanë se Aleksi së bashku me vëllain e tij i kanë ndryshuar emrat, me qëllim që të mos u identifikohen për shkak të precedentëve kriminale që kanë në disa vende të Bashkimit Euriopian.

Sipas një mesazhi të ardhur në redaksinë e JOQ.al një qytetar shkruan se Aleksi në të vërtet quhet Agron Hoxha dhe është i cilësuar si i forti i Urës Vajgurore.

Aleksi quhet Agron Hoxha, i forti ures vajgurore. Para disa vitesh erdhi prokurorja belge ne uren vajgurore. Nderkoh qe ishte ne kerkim postonte foto NGA hoteli ne komunen e parisit ne qeshor. Permban rrezikshmeri te larte", shkruan qytetari në mesazhin e tij për identitetin e Aleksit, të cilin as policia nuk e ka zbuluar.

Kohë më parë, një grup prokurorësh belgë zbarkuan në Shqipëri, në kuadër të hetimeve të nisura ndaj Priftit, i cili dyshohej si autor i të paktën 100 grabitjeve me armë dhe për një vjedhje me dhunë me pasoje vdekjen e një shtetaseje belge.

Sipas Balkanweb policia thotë se asokohe prokurorët belgë ne bashkëpunim me oficerët e policisë shqiptare kryen verifikime rreth këtij të dyshuari dhe kontrolle në shtëpinë e tij në Berat.

Dyshohet se 41-vjeçari e kishte kryer aktivitetin kriminal në Belgjikë përgjatë viteve 2005-2007. Por ndërsa hetohej nga belgët, ai i humbi gjurmët. Nga verifikimet ka rezultuar se në 2008, Aleks Prifti, është dënuar në Greqi për “Vjedhje me dhunë dhe goditje për shkak të detyrës të një punonjësi policie”.

Burimet policore thanë se edhe gjatë kohës që ishte në burg në Greqi, dyshohet se ai kërcënonte biznesmenë në Urën Vajgurore, duke iu vënë gjoba. Policia dyshon se ai e kryente aktivitetin kriminal në bashkëpunim me vëllain, Saimir Hoxha, i cili u arrestua në qershor të këtij viti, për gjobëvënie. Pas përfundimit të dënimit, në qershor 2017, Aleks Prifti është dëbuar nga Greqia e fill sapo ka hyrë në territorin shqiptar, ai ka rinisur aktivitetin e tij kriminal, duke grabitur karburante dhe biznese të ndryshme.