Jeta Osh Qef
Home

Deputeti i PDIU përplas për vdekje këmbësorin në autostradën Tiranë-Durrës
Nga: F.Tenolli | Publikuar më: 12.08.2017, 09:54

  • Share
  • Share
  • Share
  • Share

Në orët e para të mëngjesit të sotëm ka ndodhur një aksident i rënë automobilistik. Deputeti i PDIU, Aqif Rakipi ka aksidentuar një 53-vjeçar me iniciale S.S pranë kthesës së Kamzës.

Sipas policisë ai ka qenë duke udhëtuar i vetëm. Aksidenti i rëndë ka ndodhur rreth orës 04:51 të mëngjesit në aksin rrugor Tiranë-Durrës.

Deputeti është paraqitur vetë në rajonin e policisë për t'u dorëzuar.

Njoftimi i policisë:

Tiranë.

Rreth orës 04:41, jemi njoftuar se në rrugën Interurbane kryesore Vorë-Tiranë, në afërsi të mbikalimit të kthesës së Kamzës, konkretisht përballë me Tregun ushqimor ka ndodhur një aksident automobilistik.

Menjëherë është nisur patrulla e policisë për të verifikuar informacionin, e cila pak minuta më vonë ka konstatuar një person në rrugë pa shenja jete, dhe në këto momente, afërsisht në orën 04:51 minuta, Komisariati i Policise nr.2 ka njoftuar që në këtë Komisariat është paraqitur shtetasi A. R., me automjetin e tij, tip Mercedes (i dëmtuar në pjesën e përparme të tij) i cili deklaroi se ka përplasur një person në autostradë dhe po dorozohej në Komisariat.

Ndërkohë është formuar grupi hetimor dhe është kërkuar ndërhyrja e Prokurorit të gatshëm, por nuk u mundësua lidhja nëpërmjet celularit, të cilin e kishte të fikur. Në keto kushte u kryen veprimet e para hetimore në vendin e ngjarjes dhe gjatë kryerjes së veprimeve, u njoftua Prokurori i Rrethit Gjyqësor Tiranë, i cili pasi u informua për rrethanat dhe veprimet e para, kërkoi që krahas Ekspertit autoteknik të Policisë, të caktoheshin edhe dy ekspertë të tjerë autoteknik të jashtëm, me qellim kryerjen e një ekspertimi autoteknik me grup ekspertesh.

Grupi hetimor po punon për zbardhjen e plotë të rrethanave dhe shkaqeve që shkaktuan aksidentin rrugor me pasojë vdekjen e kembesorit S.S., rreth 53 vjeç.